Continuaremos nunha situación intermedia entre altas e baixas presións, marcada pola circulación de ventos do sur. As previsións indican ceos con nubes altas durante a mañá, que tenderán a despexarse a medida que avance o día, especialmente nas primeiras horas da tarde.
En canto ás temperaturas, espérase estabilidade nas mínimas, mentres que as máximas experimentarán un lixeiro ascenso, proporcionando unha xornada máis cálida en comparación cos días anteriores.
Os ventos soprarán do sur, sendo frouxos no interior e moderados na maior parte da costa. Na Costa da Morte, prevese que os ventos alcancen intervalos fortes, polo que se recomenda precaución nesta zona.
Un día caracterizado pola mellora progresiva das condicións meteorolóxicas, ideal para desfrutar das actividades ao aire libre, especialmente pola tarde.
O Noso mar: Vento do sur, forza 3 a 5 á mañá, 4 a 5 á tarde e 2 a 4 á noite. Forte marusía á mañá e á tarde e marusía á noite. Visibilidade boa. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia da Ladeira directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
- Centro Náutico do Freixo
- Praia de Carnota
- Praia de Corón Vilanova de Arousa
- O Grove
