Inaugurado o obradoiro cultural de cociña en Muros con preto de 100 persoas inscritas

06 Novembro 2024

O Concello de Muros inaugurou este martes 5 de novembro unha nova edición do seu obradoiro cultural de cociña, que este ano reúne preto de 100 persoas inscritas, distribuídas en oito quendas: catro sesións os martes e outras catro os mércores, para facilitar a participación e o aproveitamento de todas as persoas asistentes.

No acto inaugural participou a concelleira de Cultura, Caridad González Cerviño, quen deu a benvida aos participantes e expresou os seus mellores desexos para esta actividade.

“É unha satisfacción ver a alta demanda e interese polos obradoiros culturais no noso concello. Desde a Concellería de Cultura, seguiremos traballando para ofrecer máis oportunidades de formación e actividades de interese que favorezan a participación e o desenvolvemento persoal dos nosos veciños e veciñas”, sinalou.

Entre o alumnado do obradoiro de cociña tamén se atopa, por segundo ano consecutivo, o concelleiro de Deportes e Xuventude, Damián Torea, quen decidiu repetir a súa experiencia como participante.

O obradoiro está a cargo de Samuel Suárez, un cociñeiro con ampla experiencia que dirixirá as sesións semanais. Con iniciativas como esta, o Concello de Muros reafirma o seu compromiso coa promoción cultural e coa oferta de actividades formativas de calidade, que permiten á veciñanza adquirir novas habilidades e gozar de experiencias enriquecedoras.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.