O Concello de Noia, ao abeiro da súa liña de traballo de “poñer en valor os espazos infrautilizados”, comezou a construción dun novo miradoiro na estrada que vai ao núcleo de Páramo, detrás do pavillón do Colexio de Bergondo. Segundo informaron o alcalde Santiago Freire e a concelleira Laura Salgado, as obras xa arrincaron hai unhas semanas e “xa é posíbel observar os primeiros avances”. O obxectivo é que a cidadanía poida contar ao remate dunhas semanas cun novo espazo de lecer para “gozar das vistas privilexiadas da nosa vila e de boa parte da ría, ofrecendo un lugar perfecto para a desconexión e o disfrute da natureza”, engadiron.
