O Concello de Boiro, no marco das Escolas Deportivas Municipais para o curso 2024/2025, oferta este ano unha nova actividade de mantemento físico para persoas maiores de 18 anos.
Os principais obxectivos desta actividade van ser mellorar a condición física (forza, resistencia, flexibilidade…), axudar a previr lesións, reducir o estrés a a ansiedade e adquirir hábitos de vida saudábeis. Vanse impartir dúas clases á semana con distintas actividades tales como circuítos de forza, pilares, steps, xogos aeróbicos….
Mantemento físico desenvolverase os luns e xoves en horario de 21.00 a 22.00 horas e as inscricións poden formalizarse xa no Departamento de Deportes do Concello de Boiro, de maneira presencial na Casa da Cultura de Boiro, no enderezo electrónico deportes@boiro.org ou no teléfono 981 84 84 25.
