Este 21 de setembro celébrase en Andaina Solidaria Noia en Marcha Contra o Cancro, organizada pola delegación local da Asociación Española Contra o Cancro (AECC) e máis o Concello.
A andaina está fixada para este sábado con saída ás 17.00 horas dende a Alameda. O percorrido será de tres quilómetros, e será circular: comezará na Alameda e rematará no mesmo punto.
O prezo será de 8 euros para persoas adultas e de 5 euros para nenos e nenas de até 12 anos (inclúe camiseta solidaria).
A recollida de dorsais e camisetas efectuarase o 21 de setembro en horario de 11.00 a 16.30 horas, tamén na Alameda.
A organización sinalou que ao remate da andaina haberá sorpresas para as persoas participantes.
Estes son os establecementos de Noia onde se pode adquirir a camiseta da camiñada: Atleet Casais, Atmósfera Sport Noia, Clavel, Anelos, Federópticos Larrondo, Tejidos Lamas, Calzados Monchel, Zapatería Viñas, Luma, Joyería Petisco, Mundiart, Lencería María Durán, Rosita Moda, Pillados Moda, Zapatería Versalles, Chepi, Pisa Morena, Optica Ollos, Floristería El Jardín, Bazar Marucha, Carola, Cocoella, Calefaccións Gavi, Óptica Boavista e Mi casa.
Na Serra de Outes a camiseta pódese mercar en Deco-lar, na Floristería A Xerra e no Kiosko Pimpiniño.
