Regresan as Escolas Deportivas Municipais de Noia a disposición da veciñanza, organizadas polo Concello. A nova edición das Escolas vén ademais cunha novidade: a inclusión no programa do baile deportivo (no ximnasio do IES Campo de Santo Alberto). O prazo para formalizar a solicitude de inscrición estará aberto a partir do mércores 11 de setembro para pilates; do 12 de setembro para ximnasia terapéutica, ximnasia postural e ximnasia de mantemento; e do venres 13 de setembro para step, ioga e baile deportivo. A solicitude poderemos realizala no rexistro de entrada do Concello ou da sede electrónica municipal, a partir das 9:00 horas do día de comezo da inscrición. Cada solicitante poderá como máximo inscribir a dúas persoas. Máis información na oficina de Deportes do Concello (981 37 77 03) e na sede electrónica.
