Cinco persoas trasladadas despois de colidir por alcance un camión e dous vehículos en Padrón

12 Agosto 2024

As cinco persoas que resultaron feridas foron evacuadas en dúas ambulancias do Servizo de Urxencias Sanitarias de Galicia-061.

Unha persoa particular daba conta deste accidente ao 112 Galicia sobre as seis e media desta tarde. Indicaba que se trataba dun choque por alcance na N-550, quilómetro 76, en Cruces, no concello de Padrón. Un camión que transportaba trigo batera contra un turismo e este contra un terceiro. É dicir, tres vehículos implicados, un camión e dous turismos.

Aínda que nun primeiro momento parecía non haber persoas feridas, unha vez no punto, os membros do GES de Padrón solicitaron asistencia sanitaria para dous adultos e un menor, que referían molestias.

Así, os xestores do 112 pasaron aviso a Urxencias Sanitarias de Galicia-061, ademais, foron informados os axentes de Tráfico, da Policía Local, os Bombeiros de Boiro, os membros do GES de Padrón e os efectivos do Servizo Municipal de Protección Civil da localidade.

Finalmente, tras rematar coas tarefas de limpeza da vía, o persoal do GES informou ao 112 Galicia de que, en total, ían a ser trasladadas cinco persoas en dúas ambulancias.

GES Padrón

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.