A praza do Curro de Portosín vai acoller o Mercado de Artesanía local esta fin de semana (sábado 3 de agosto e domingo 4), en horario ininterrompido de 11.00 a 21.00 horas. Haberá postos de artesanía e gastronómicos, sesións vermú, demostracións e actividades lúdicas para as familias.
A axenda de actividades comezará o sábado cunha sesión vermú a cargo de DJ Crooked Savage e (ás 14.00 horas) un posto gastronómico da man de Chichalovers. Ás 19.00 está programado un espectáculo canino.
Ao día seguinte, domingo, logo da apertura do mercado artesán celebrarase entre as 12.00 e as 15.00 unha nova sesión vermú con pintacaras. Ás 14.00 volve o posto gastronómico de Chichalovers e a partir das 19.00 haberá xogos en familia.
Organiza Onyvá coa colaboración da marca Azul de Portosín e do Concello.
