En colaboración coa Dirección Xeral de Tráfico (DXT), a Policía Local de Rianxo participou na campaña de vixilancia e control de camións e autobuses desenvolvida entre o 10 e o 16 de febreiro. Segundo cifras que acaban de dar a coñecer, controláronse un total de 129 vehículos, detectándose 5 infraccións administrativas, as cales foron relativas a documentación do vehículo e outros motivos.
No transcurso de dita campaña tamén se interceptou un quad circulando de forma temeraria polo lugar de A Igrexa-Taragoña. Unha vez se procedeu á súa identificación, os axentes comprobaron que carecía de ITV e seguro obrigatorio en vigor. Así mesmo, o condutor carecía de permiso de condución por perda de vixencia, efectuándoselle tamén a proba de alcoholemia e drogas, ademais de procederse á súa investigación xudicial e instrución de dilixencias policiais e á inmobilización do vehículo.
Segundo manifestan desde o corpo policial, o referido condutor resulta ser multireincidente en delitos contra a seguridade viaria. Engaden que é coñecido na comarca por mofarse das acción policiais e xudiciais en varias redes sociais. Citada persoa debe presentarse ante a autoridade xudicial para un novo xuízo rápido.
