O Concello de Rianxo segue a traballar para ampliar as funcións da administración local no ámbito dixital. Este luns 22 de xullo o Goberno rianxeiro informou de que a Sede Electrónica permite desde xa buscar e recuperar de forma doada todos os documentos que se presentaron a través dela.
“Esta nova funcionalidade da Sede permítenos seguir avanzando nos obxectivos da modernización tecnolóxica das administracións públicas”, explicou o Concello, engadindo que deste xeito calquera documento xa presentado pode ser recuperado para unha nova solicitude ou trámite”.
O acceso faise a través da sección Os meus documentos que está localizada na sección As miñas xestións.
Para o acceso á Sede Electrónica e a presentación de documentación é necesario certificado electrónico, DNI electrónico ou Cl@ve, que a veciñanza pode obter de forma doada no Rexistro Xeral do Concello ou no Auditorio co novo servizo de activación de Cl@ve Permanente.
