Esta terceira semana de xullo comezaron as obras para a humanización e mellora da praza do Concello, en Outes, obras impulsadas polo Goberno local. O obxectivo, segundo sinalaron fontes do Consistorio, “é recuperarmos un espazo central do casco urbano para o uso e desfrute da veciñanza, mellorar a conexión co paseo fluvial, a accesibilidade e a beleza da contorna”. Coa finalidade de ilustrar á cidadanía sobre o cometido das obras, o Concello compartiu un pequeno audiovisual nas redes sociais. Trátase dunha actuación orzamentada en 210.000 euros e obtivo financiamento a través do Plan de Sustentabilidade Turística da Ría de Muros e Noia.
