Ocorreu na Estrada de Santa Baia, na parroquia de Oeste.
O helicóptero medicalizado con base en Santiago foi mobilizado polos servizos sanitarios para atender ao home, que cortaba a herba cunha rozadoira cando esta comezou a arder. Tamén prendeu lume a vexetación, aínda que foi extinguido rapidamente.
Neste caso, foi un particular que chamou ao 112 Galicia cando pasaban escasos momentos das 18:20 horas. Como relatou, o ferido sufriu queimaduras nun brazo.
No lugar continúan traballando os servizos de emerxencias, alertados polos xestores do Centro Integrado de Atención ás Emerxencias: ademais de Urxencias Sanitarias de Galicia-061, colaboran a Garda Civil, o GES de Padrón e os voluntarios de Protección Civil de Catoira.
