As viaxes en catamarán con saída dende A Pobra continúan neste mes de xullo con Sálvora e Ons

09 Xullo 2024

Dous novos catamaráns partirán neste mes de xullo dende A Pobra do Caramiñal con dirección ao Parque Nacional Marítimo-Terrestre das Illas Atlánticas.


Despois de que o programa de viaxes comezase no mes de xuño visitando Cíes, no 21 de xullo porase rumbo a Sálvora e no 28 de xullo será a quenda de Ons.
“Como constata a programación turística para este verán, A Pobra mira ao mar, con actividades de lecer para desfrutar da localidade e coñecer outras paraxes naturais con moito reclamo. Porque o noso slogan é A Pobra do Caramiñal, vive a experiencia… e iso é o que queremos para a nosa veciñanza e visitantes: que sexan parte activa desta axenda, que vivan na súa pel todo canto temos para ofrecer”, declara a concelleira do Turismo, Estefanía Ramos.
Estas travesías náuticas proseguirán nos vindeiros meses: no 3 de agosto vivirase a experiencia Starlight, en Sálvora, para coñecer este anaco de terra na bocana da ría da Arousa durante a tarde-noite e observa-las estrelas dun ceo sen contaminación lumínica; no 11 de agosto regresarase a Ons; e Cíes porá o broche de ouro a esta serie de saídas no 1 de setembro.
Tódalas elas inclúen ruta guiada. Para Cíes e a Starlight de Sálvora teñen un prezo de 34 euros por persoa adulta, mentres que a Ons e a diúrna a Sálvora baixa ata os 30 euros. No que respecta a crianzas entre 4 e 12 anos, o importe a pagar sitúase nos 18 euros en tódalas viaxes.
As reservas formalizaranse a través da páxina web www.piratasdenabia.com ou do teléfono de contacto 986320048. Tamén
están ao dispor os teléfonos do Departamento do Turismo para a resolución de dúbidas: 671090262 e 687482835.

Outros artigos

Ribeira organiza unha charla sobre compostaxe doméstica e comunitaria

O Concello de Ribeira organiza a charla Compostaxe doméstica e comunitaria, unha actividade que busca achegar á veciñanza as claves para transformar osresiduos orgánicos en compost e darlles unha segunda vida. A cita será o mércores 21 de outubro, ás 19:30 horas, no...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.