Este sábado 15 de xuño a praza de Castelao de Rianxo vai ser o punto de encontro dunha xuntanza nocturna de vehículos clásicos. Segundo os datos da organización do evento, estímase que un cento de vehículos de máis de 30 anos de antigüidade se xunten en Rianxo. A segunda Quedada Nocturna de Clásicos do Barbanza ten abertas as inscricións nos teléfonos 610 108 301 e 609 824 334. A concentración dará comezo ás 19.00 horas na praza de Castelao. O programa de actividades inclúe museo de coches históricos, música (DJ e The Cuncas) e paella. Colaboran o Concello de Rianxo e a Cafetería Castelao.
