O Centro Cultural Lustres Rivas de Ribeira acolleu a presentaciónde Historias de Barbantia, unha compilación de 17 relatos de autores/as da nosa comarca. No acto de interviñeron Luís Pézez, alcalde de Ribeira, e as escritoras locais María Xesús Blanco e Uxía Casal, ademais dos tamén escritores Antonio Piñeiro e Francisco A. Vidal.
Historias de Barbantia é un proxecto editorial da Asociación Cultural Barbantia que xunta dezasete plumas, dezasete estilos, varios argumentos, temas e tramas, unidos “tan só pola sinerxía da creatividade”.
O libro de relatos foi publicado pola editorial Galaxia en abril deste mesmo ano. O volume foi coordinado polo escritor boirense de adopción Antón Riveiro Coello, con prólogo de Eme Cartea e portada de Alfonso Costa. Entre outras/os contribucións, achegan relatos os seguintes autores da nosa comarca. Agustín Agra, José Carou, Uxía Casal, Xosé M. Lobato Martínez, Xosé Ricardo Losada Vicente, Antón Riveiro Coello, Patricia Torrado Queiruga, Fidel Vidal Pérez e Francisco A. Vidal.
