O Pazo de Goiáns acolleu este venres o I Certame de Regueifas dos centros de ensino do municipio

24 Maio 2024

O Concello de Boiro celebrou este venres 24 de maio o I Certame de Regueifas cos centros de ensino do municipio, unha iniciativa da Concellería de Ensino e os Equipos de Dinamización de Lingua Galega dos centros. A concelleira de Ensino, Carmen Silva, participou no acto de apertura do certame.

Previamente, o alumnado tomou parte activa nunha serie de obradoiros para adestrar en materia de improvisación con distintos xogos de palabras. “Celebramos este festival con motivo da celebración das Letras Galegas, para poñer en valor a nosa lingua”, afirmou a concelleira, Carmen Silva.

No festival, que estivo presentado por Lupe Blanco e Luis o Caruncho, participaron o CEIP Cespón, CEIP Abanqueiro, IES A Cachada, CEIP Santa María do Castro, CEIP Escarabote, IES Espiñeira, CEIP Praia Xardín, CEIP Santa Baia e IES Praia Barraña que cantaron as súas creacións e realizaron xogos de rimas propostas.

O obxectivo desta actividade foi “dar a coñecer o fenómeno da poesía oral improvisada en verso, achegar á rapazada a nosa tradición”, explicando a historia da regueifa e outras expresións da improvisación que existen por toda Galicia, así como espertar vocacións nesta práctica artística tradicional cun importante poder didáctico nos contidos de materias como lingua galega ou música.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.