O Museo do Gravado de Artes conmemora os 175 anos da Real Academia de Belas Artes coa mostra “Os traballos de Hércules”

23 Maio 2024

O Museo do Gravado de Artes (Ribeira) inaugurou este 23 de maio unha das máis destacadas mostras da tempada dentro do panorama galego da exhibición artística: a exposición Os Traballos de Hércules. Colección de gravados dos fondos académicos. Esta colección procede dos fondos da Real Academia Galega de Belas Artes que vai celebrar os 175 anos da súa creación durante o ano 2024-2025. Con esta exposición, que reúne 16 gravados orixinais pertencentes aos fondos da dita institución, inícianse os actos de celebración desta efeméride da Academia elixindo o Museo do Gravado como primeiro lugar expositivo para a conmemoración.

Na apertura, celebrada este mediodía, participaron o conselleiro de Cultura, Lingua e Xuventude, José López Campos, o presidente da RAGBA, Manuel Quintana Martelo, e o alcalde de Ribeira e presidente do padroado da Fundación Museo do Gravado de Artes, Luís Pérez Barral, ademais doutros académicos e autoridades.

No transcurso do acto, José López Campos, destacou “a importancia das entidades culturais na preservación da cultura galega”. Nomeadamente, referiuse ao museo de Ribeira e o destacado labor que fan “recollendo a nosa historia nas artes gráficas”. Amais, felicitou á Real Academia Galega de Belas Artes, que inicia con esta proposta a celebración do seu 175 aniversario e gabou “a iniciativa de achegar as súas coleccións a diversos puntos de Galicia”.

Segundo se fixo saber na inauguración, as obras expostas foron copiadas da serie de pinturas ao fresco que o artista italiano Luca Giordano realizou no S.XVII nunha das salas do Palacio do Bo Retiro de Madrid por encargo de Carlos II. Entre as aventuras de Hércules que se representan nas pezas aparece a lenda co xigante Xerión ao que venceu na Coruña, triunfo na honra do que se construíu a famosa Torre herculina.

Ademais do conselleiro, no acto tamén estivo a delegada territorial da Xunta na Coruña, Belén do Campo; o director xeral de Cultura da Xunta, Anxo M. Lorenzo; o presidente da Real Academia Galega de Belas Artes, Manuel Quintana Martelo, o comisario da exposición, José Ramón Soraluce, o director do Museo, Pastor Rodríguez, o tenente de alcalde de Ribeira, Vicente Mariño, e o rexedor de Noia, Santiago Freire, entre outras personalidades da contorna.

A orixe dos gravados dedicados a Hércules

O mitolóxico Hércules tivo unha importante presenza na tradición e nas lendas sobre a monarquía hispana. Xa na Idade Media se coñece a súa presenza en España, recreando e ampliando as fazañas realizadas polo heroe na Península durante os seus famosos Doce Traballos.

Durante o reinado de Felipe IV encargouse ao pintor estremeño Zurbarán a realización dunha serie de pinturas ao óleo co tema dos Traballos de Hércules, que decoraron o Salón de Reinos do Palacio do Bo Retiro en Madrid. Estas pinturas de 1634 están no Museo do Prado. Posteriormente, o rei Carlos II quixo decorar un dos salóns do mesmo Palacio encargando pinturas ao fresco ao artista italiano Luca Giordano coa mesma temática sobre Hércules.

Os frescos foron restaurados no S.XVIII polo pintor José del Castillo e copiados en cadros ao óleo, conservados na Real Academia de Bellas Artes de San Fernando en Madrid. A partir destes óleos creáronse os gravados para a Calcografía Nacional, que son os que se atopan na Colección de Gravados propiedade da Real Academia Galega de Belas Artes.

Outros artigos

A Asociación Ambar presenta o seu Calendario 2027 no Cine Teatro Elma

A Asociación Ambar das Persoas con Diversidade Funcional levou a cabo hoxe a presentación oficial do seu Calendario Solidario 2027 no Cine Teatro Elma da Pobra do Caramiñal. Unha nova edición dedicada ó mundo do cinema e que, novamente, “busca visibilizar o talento...

+

O Rapants Club vaise de xira por seis salas españolas

A banda muradá The Rapants anunciou as seis primeiras datas da xira de salas coa que levará o seu cuarto LP (Rapants Club) por toda España en 2027. O percorrido arrancará o 8 de xaneiro na sala La López de Zaragoza, dentro do ciclo Inverfest, e pasará por Bilbao,...

+

O PSdG cualifica de “éxito absoluto” a folga xeral

O deputado socialista e secretario xeral do PSdeG en Compostela, Aitor Bouza, valorou hoxe o “éxito absoluto” da folga xeral en Galicia deste mércores 11 de novembro e asegurou que a cidadanía díxolle a Feijóo “que non quere unha involución, que non quere que se...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.