O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente“.
Ademais, os tres areais están incluídos na Rede Galega de Praias sen Fume, unha iniciativa educativa e de promoción da saúde, así como de protección do medio ambiente, pola que se insta ás persoas que desfruten da praia dun xeito saudábel sen tabaco e sen cabichas.
Por outra banda, dende o Consistorio lembran que o Concello recibiu subvencións para o embelecemento do litoral convocadas por Turismo de Galicia no marco do Plan de Recuperación, Transformación e Resiliencia, financiado pola Unión Europeo NextGenerationEU, axudas que permitirán facilitar a accesibilidade das persoas usuarias e dotar as praias de maiores servizos.
