As entidades ABAS (Asociación Barbancesa de Axuda e Solidariedade) e Desembarco en Areoso, xunto co Concello de Ribeira, van organizar unha charla-coloquio sobre o labor do asociacionismo e como este pode influír na transformación do territorio. O acto terá lugar o venres 22, a partir das 20:30 no Centro Cultural Lustres Rivas.
Francisco Javier Gómez, presidente das dúas entidades co-organizadoras e Vicente Mariño de Bricio, tenente de alcalde do Concello ribeirense, serán os encargados de acompañar ao conferenciante Iván García García. técnico de Xestión Cultural, profesor asociado e membro do Grupo de Investigación SEPA – interea da USC.
García García é Doutor en Equidade e Innovación de Educación pola USC, pola súa tese O Asociacionismo no Desenvolvemento Socioeducativo e Cultural do Concello de Vedra, na que foi distinguido cun sobresaínte cum laude.
