O Concello de Boiro colabora co Club de Remo Cabo da Cruz na organización da VII Bandeira de Bateis Concello de Boiro que se celebra este domingo 17 de marzo a partir das 11.00 horas no peirao de Cabo de Cruz. A proba, prevista inicialmente para o 2 de marzo, tivo que ser adiada ara este domingo polas condicións meteorolóxicas.
A regata realizarase na modalidade en liña e poderán participar todos os equipos de bateis da zona norte coas tripulacións que se recollen no regulamento de competición da Liga Galega de Bateis. En canto aos premios, establécense medallas de ouro para os tres equipos mellor clasificados en cada unha das seis categorías masculinas e femininas e dúas bandeiras, masculina e feminina, para os clubs que consigan máis puntos na clasificación xeral.