Preséntase a XXV edición dos Premios Mestre Mateo na Coruña

18 Novembro 2026

Será mañá xoves, 19 de novembro, cando a Academia Galega do Audiovisual abra as votacións da primeira rolda dos XXV Premios Mestre Mateo, nos que participan un total de 393 profesionais do sector audiovisual galego. Sinalar que a edición, que culminará coa gala do vindeiro 27 de febreiro no PALEXCO (A Coruña), traerá novidades nas categorías e na programación de actividades que levará as obras candidatas a diferentes espazos da cidade.

Cómpre dicir que ao acto de presentación da XXV Premios Mestre Mateo que se celebtou hoxe, 18 de novembro, asistiron: a vicepresidenta da Academia Galega do Audiovisual, Alba Gallego, a deputada de cultura da Deputación de Coruña, Natividade González; o director de AGADIC, Jacobo Sutil e o concelleiro de Educación, Formación e Innovación Tecnolóxica da Coruña, Juan Ignacio Borrego, a Academia anunciou a participación de 393 profesionais nas distintas categorías dos premios, que optan aos galardóns polo seu traballo nas producións candidatas e 155 producións candidatas. As votacións permitirán agora aos membros da Academia seleccionar as obras e profesionais finalistas, que se anunciarán o 23 de decembro.

No apartado das obras, esta edición reúne candidaturas en categorías moi diversas. Salientan as 30 pezas na categoría de videoclip, as 24 curtametraxes documentais, as 21 curtametraxes de ficción e as 7 de animación. A estas súmanse 9 longametraxes documentais, 4 longametraxes e 6 longametraxes en lingua non galega. No eido das series, concorren 4 producións en galego e 3 en lingua non galega. As categorías de programas reúnen 13 propostas informativas, divulgativas ou de actualidade e 18 de variedades e lecer, mentres que a de anuncio publicitario conta con 16 candidaturas.

Emporiso nesta XXV edición, os Premios Mestre Mateo incorporan cambios na estrutura das categorías co obxectivo de reflectir mellor a diversidade de formatos e producións que conforman o audiovisual galego, así como achegar un recoñecemento máis equilibrado aos distintos ámbitos do sector.

Unha das principais novidades é a diferenciación das categorías de Mellor Longametraxe e Mellor Serie, reservadas ás producións en lingua galega, que contarán tamén con categorías propias para as obras realizadas noutras linguas. Con esta medida, a Academia quere reforzar a visibilidade e promoción das producións na lingua propia, que afrontan maiores dificultades para acceder aos circuítos de distribución e exhibición, sen deixar de recoñecer o conxunto do audiovisual producido en Galicia.

Os cambios afectan tamén ao ámbito televisivo, cunha nova distribución das categorías de programas, que diferencia os informativos, divulgativos e de actualidade dos de variedades e entretemento. Asemade, a dirección contará con categorías específicas para longametraxe, serie e programa, mentres que a comunicación tamén se divide en dúas modalidades, co propósito de representar mellor as particularidades dos diferentes formatos e recoñecer o traballo dos profesionais que os desenvolven.

A Academia Galega do Audiovisual organizará nos vindeiros meses diferentes actividades arredor dos XXV Premios Mestre Mateo, co obxectivo de achegar as obras candidatas ao público e celebrar os 25 anos dos galardóns. A programación comezará o xoves 26 de novembro cunha maratón de proxección de todas as curtametraxes de ficción e animación candidatas, que terá lugar nos Cantones Cines, na Coruña. O domingo 29 de novembro será a quenda das curtametraxes documentais, cunha sesión de proxección en Culturgal.

A programación continuará o xoves 10 de decembro cun evento adicado ás candidaturas de videoclips, que reunirá as e os profesionais detrás das pezas seleccionadas nesta categoría. Ademais, o 23 de decembro daranse a coñecer os proxectos finalistas dos XXV Premios Mestre Mateo, que competirán polos galardóns na gala do 27 de febreiro no PALEXCO.

Outros artigos

Varios colexios de Ribeira asisten a unha función teatral en inglés

Cinco centros educativos de Ribeira afondaron máis na súa aprendizaxe en inglés coa función teatral Face and face coa colaboración do Concello de Ribeira. Esta actividade desenvolveuse nesta mesma mañá no Auditorio Municipal coa participación do CEIP Frións, CEIP O...

+

O Son inaugura a exposición Mulleres e Mar, no marco do 25N

Este martes 17 de novembro celebrouse no Son (Museo Marea) a inauguración da exposición Mulleres e Mar, impulsada por Asamblea de Cooperación pola Paz Galicia dentro do proxecto Elas Deciden e no marco do Día Internacional da Eliminación da Violencia contra as...

+

Publicidade

Revista en papel

Opinión

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.