
Este martes 17 de novembro celebrouse no Son (Museo Marea) a inauguración da exposición Mulleres e Mar, impulsada por Asamblea de Cooperación pola Paz Galicia dentro do proxecto Elas Deciden e no marco do Día Internacional da Eliminación da Violencia contra as Mulleres. Ao acto inaugural acudiu o alcalde, Luis Oujo, acompañado por membros do Goberno local.
Esta iniciativa promove a cooperación entre mulleres do mar de Galicia e do Salvador, dando visibilidade ás súas historias, experiencias e traxectorias.
Nesta edición, o proxecto contou coa participación das redeiras de Porto do Son-Portosín, coas que se traballou na recuperación da memoria das súas asociacións mediante fotografías, gravacións sonoras, creación dun mural artístico e cianotipias.
Trátase dunha “proposta que busca recoñecer o traballo das mulleres do mar e dar voz ás súas vivencias”, informaron.



