O CEIP Louro de Muros levará a súa experiencia en robótica educativa á xornada estatal da Semana Europea da Robótica

19 Novembro 2026

O CEIP de Louro (Muros) estará presente na xornada estatal da Semana Europea da Robótica, Robota: Cultura robótica, que se celebra por primeira vez en Galicia os días 26 e 27 de novembro, no CIFP Politécnico de Santiago.

A docente Silvia Pérez Madariaga intervirá o xoves 26, ás 16.00 horas, na mesa Boas prácticas docentes: experiencias innovadoras en Polos Creativos, xunto a profesorado do CEIP Gregorio Sanz de Ribadeo, o CPI de Atios de Valdoviño e o IES Miraflores de Oleiros.

A mesa estará moderada por Conchi Fernández Munín, do programa Polos Creativos da Consellería de Educación, e ao remate entregarase o Selo de Calidade en Robótica Educativa.

A Xornada HispaRob Robota: Cultura robótica é o encontro anual co que a Plataforma Tecnolóxica Española de Robótica (HispaRob) se suma á European Robotics Week, a principal campaña europea de divulgación en robótica.

O xoves está dedicado ao profesorado de Infantil, Primaria e Secundaria; a mañá do venres, a profesionais da robótica, bacharelato, FP e universidade, e a tarde do venres, de 17.00 a 19.00 horas, ás familias e ao público en xeral, cunha feira gratuíta de experimentación e robótica.

A Plataforma Tecnológica Española de Robótica, HispaRob, agrupa empresas, centros de investigación, universidades e administracións implicadas no desenvolvemento e na integración da robótica na sociedade. É coordinadora nacional da European Robotics Week, promovida por euRobotics, e membro da alianza STEAM polo talento feminino Niñas en pie de Ciencia.

Outros artigos

A Semana Musical de Noia celebra a súa 49ª edición

A Semana Musical de Noia vaise celebrar esta finde, entre este xoves 19 e o domingo 22 de novembro, con actuacións ás 20.30 horas no Coliseo Noela en todas as xornadas marcadas. A axenda, impulsada pola Coral Polifónica de Noia en colaboración co Concello e a...

+

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.