A Casa Veciñal de Cespón acolle este venres a presentación do álbum ilustrado ‘Paio e o Gatipedro’

19 Novembro 2026

A obra, escrita por Milagros Torrado Cespón e ilustrada por Laura Pérez Delgado, foi galardoada co Premio Alberte Quiñoi 2026. O acto contará cunha representación teatral de BarbanTEA, petiscos e agasallos.

A parroquia boirense de Cespón será escenario este venres 20 de novembro, ás 20:00 horas, da presentación do libro infantil Paio e o Gatipedro, unha obra escrita por Milagros Torrado Cespón e ilustrada por Laura Pérez Delgado que vén de alzarse co Premio Alberte Quiñoi 2026 de Álbum Ilustrado.

O evento terá lugar na Casa Veciñal de Cespón e está organizado conxuntamente pola Asociación Cultural Barbantia e a Comunidade de Montes Deira-Pedroso.

A cita contará coa participación das dúas creadoras do libro, Milagros Torrado e Laura Pérez, quen estarán acompañadas pola concelleira de Educación e Normalización Lingüística de Boiro, Carmen Silva, e mais pola presidenta da A.C. Barbantia, María Xesús Blanco.

Ademais da presentación literaria da obra —publicada por Editorial Galaxia—, o programa da xornada incluirá unha representación teatral a cargo do Grupo de Teatro BarbanTEA. Ao remate das intervencións, a organización ofrecerá petiscos e agasallos para todas as persoas asistentes

Outros artigos

O Concello de Boiro elixe novo xuíz/a de paz titular

O Concello de Boiro realiza unha convocatoria pública para a elección de xuíz/a de paz titular. O prazo para a presentación de solicitudes está aberto dende este xoves 19 de novembro e por un período de 10 días hábiles. Segundo se fai saber nas bases da convocatoria,...

+

Publicidade

Revista en papel

Opinión

“Ameazas de bombas para os escolares galego”. Antón Luaces

“Ameazas de bombas para os escolares galego”. Antón Luaces

Unha trintena de centros escolares públicos e privados galegos recibiron onte, mércores, cadanseu correo electrónico con esta expresiva mensaxe: "Si desea salvar la vida de los estudiantes, abandone el edificio". Con educación e perfecto castelán, mais cun ton...

“Pensar doe”.  Xosé A. López Silva

“Pensar doe”.  Xosé A. López Silva

.Hai xa bastantes anos insistíalle eu a un alumno que se atascara nunha tradución do latín: «Pensa, pensa!». O rapaz moveu a cabeza e, ao cabo duns segundos, estoupou, o pobre: «Pensar doe, profesor!». Durante moito tempo contei aquela resposta como unha simple...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.