O fotógrafo Toño Villar foi nomeado nos Premios Internacionais Luces de Granada. A obra seleccionada compite na categoría de Gráfico e suma un novo recoñecemento a unha traxectoria que nos dous últimos anos recibiu diversas distincións nacionais e internacionais. O nomeamento supón un novo recoñecemento para o fotógrafo noiés con estudio propio en Bertamiráns (Ames), que acadou un 2026 destacado no ámbito dos certames fotográficos, e súmase aos tres nomeamentos obtidos recentemente nos Premios Nacionais Quijote de Fotografía, dúas delas en Paisaxe e Natureza e unha en Reportaxe Gráfica.
A selección en Luces de Granada volve poñer o foco precisamente sobre unha das vertentes máis privadas do seu traballo: a fotografía documental e a capacidade de construír imaxes a partir de situacións reais.
Aínda que a súa actividade profesional está principalmente vinculada á fotografía de voda e retrato, Villar desenvolve paralelamente traballos de paisaxe, natureza e fotografía documental, disciplinas que considera fundamentais tamén na evolución da súa linguaxe fotográfica.
Ese ano, dúas obras de Toño Villar foron distinguidas nos Tokyo International Foto Awards (TIFA) cunha Medalla de Bronce e unha Mención de Honra. En 2026, outra das súas fotografías recibiu ademais unha Mención de Honra nos International Photography Awards (IPA).
A estes recoñecementos internacionais súmanse diferentes galardóns e nomeamentos obtidos anteriormente en España, alén de dúas obras distinguidas como Colección de Honra.
O fallo dos Premios Internacionais Luces de Granada determinará agora se a obra nomeada consegue finalmente un dos galardóns do certame.
Sobre Toño Villar
Toño Villar está especializado principalmente en fotografía de voda e retrato, pero desenvolve tamén traballos de fotografía comercial, arquitectura e deporte, xunto a unha produción privada centrada especialmente en paisaxe, natureza e fotografía documental.
Nos dous últimos anos o seu traballo foi recoñecido cunha Medalla de Bronce e unha Mención de Honra nos Tokyo International Foto Awards, unha Mención de Honra nos International Photography Awards, tres nomeamentos aos Premios Nacionais Quijote de Fotografía e, agora, un nomeamento aos Premios Internacionais Luces de Granada.
