Fruíme (Lousame) celebra este mes de setembro, os días 19, 20 e 21, a súa tradicional Romaría das Cabesas, con actividades relixiosas, concertos a diferentes horas do día e propostas de lecer e diversión para a rapazada. Os festexos están organizados pola Comisión de Festas de Fruíme e contan coa colaboración do Concello de Lousame.
As festas arrincan o sábado 19 cunha misa á Virxe das Dores ao mediodía, con inchábeis pola tarde cunha misa triduo (ás 20h) e cunha verbena con Disco Móbil MG Stylo (ás 22h). O domingo actúan Trécola (pola mañá) e a orquestra Triunfo (na sesión vermú e pola noite). Haberá unha misa solemne ás 13h na honra de Santa María da Cabeza (con procesión) e logo un xantar con empanada gratis. A xornada rematará con fotos artificiais.
O luns 21, adicado a Santa Antón e San Roque, actuarán Jaitas Blue (sesión vermú) e JB Son (pola noite).
