Este sábado 19 de setembro, Noia volverá camiñar unida por unha boa causa coa celebración da andaina solidaria Noia en marcha contra o cancro, organizada pola delegación local da Asociación Española Contra o Cancro A Coruña (AECC).
A saída será ás 17:00 horas desde a Alameda, cun percorrido de 3 quilometros pola Alameda, centro histórico e paseo marítimo.
As inscricións están abertas nos seguintes establecementos: Mi Casa · Mundiart · El Jardín · Bazar Marucha · Chepi · Pisa Morena · Lencería María Durán · Tecidos Lamas · Modas Clavel · Rosita Moda ·Droguería Luma · Xoiaría Anelos · Calzados Monchel · Xoiaría Petisco · Óptica Boa Vista · Federópticos Larrondo · Rekord Sport · Deportes Casais · Calzados Viñas.
O prezo por participar será de 8 euros para persoas adultas e de cinco euros para nenas e nenos de ata 12 anos.
Tamén é posíbel realizar a inscrición a través da web da Asociación Española Contra o Cancro. E para aquelas persoas que non poidan ou non desexen participar directamente na andaina, habilítase a posibilidade de adquirir o dorsal solidario.
