A xornada deste sábado 15 de agosto, solemnidade da Asunción da Virxe María, traerá un tempo de marcados contrastes á área de Santiago de Compostela e á comarca das Rías Baixas. Mentres que o interior e o norte acusarán o paso dunha fronte con nubosidade a primeiras horas, o litoral das rias baixas gozará de maior estabilidade, aínda que condicionado polo reforzo do vento costeiro.
As Rías Baixas quedarán practicamente á marxe da inestabilidade. Salvo algún intervalo de nubes baixas a primeira hora, espéranse ceos con amplos períodos solleiros ao longo de toda a xornada e sen risco de precipitacións. Mentres Santiago de Compostela iniciará o día baixo ceos moi cubertos e coa posibilidade dalgunha chuvia feble ou orballo matinal. A partir do mediodía a fronte tenderá a disiparse, permitindo a apertura de claros e alternancia de nubes e sol de cara á tarde.
No tocante aos termómetros, as mínimas manteranse sen cambios relevantes en ambas as zonas, pero as temperaturas máximas sufrirán unha baixada moderada, achegando un ambiente máis fresco e de clara transición.Nas rías quedaremos sobre os 33 graos e en Santiago e comarca sobre 25 graos.
O elemento meteorolóxico máis salientable será o vento de compoñente norte, que soprará con intensidade moderada no interior e acadará intervalos fortes en todo o litoral atlántico das Rías Baixas durante a tarde, provocando condicións de mar revolto na franxa costeira.
O noso mar; Vento do norte á mañá e á noite e do norte á tarde, forza 4 a 6 á mañá e á noite e 5 a 7 á tarde. Forte marusía. Visibilidade boa. Mar de fondo do noroeste, con ondas de 0.5 a 1 metros.
