A Comisión de Festas de Nebra, en colaboración co Concello do Porto do Son, vai celebrar este sábado 15 de agosto unha celebración social e musical que se estenderá durante a segunda metade do día: un Tardeo Ibicenco a partir das 16.00 horas e ata máis alá do solpor, ata as 22.00 horas.
Contarase coa presenza de catro DJs, Tito Maverick, ManuX, Gilito e Kobass.
Antes e despois dos picadiscos actuará o Dúo Blanca Doble.
Haberá música, actividades festivas, unha festa da escuma para a rapazada (e tamén para os maiores), auga, sorteos de agasallos, un photocall e (non menos importante) un atardecer de verán como pano de fondo.
Pola mañá celebrarase unha procesión dende a Igrexa de Nebra ata o campo da festa, ás 12.30 horas.
A misa celebrarase no campo da festa ás 13.00 horas. Logo comezará a sesión vermú co Dúo Blanca Doble.
Contarase con polbeira.
