Este 7 de agosto a Casa da Cultura de Outes acollerá unha charla centrada no eclipse solar que se vai poder contemplar (coas debidas recomendacións de seguridade) dende a nosa terra o vindeiro 12 de agosto. Trátase da sesión O astro que se agocha detrás da Lúa, unha charla divulgativa sobre a eclipse solar impartida polo astrofísico, nado en Outes, Martín M. Gómez Míguez. Será a partir das 20.30 horas. A entrada será de balde até completar o aforo. As persoas asistentes levará de agasallo unhas lentes homologadas para ver a eclipse. Martín M. Gómez Míguez é un astrofísico galego natural do lugar de Ribademar, no concello de Outes (A Coruña). Formou parte da Galician Astronomy & Astrophysics Community. Martín Manuel Gómez Míguez desenvolve a súa actividade científica como investigador en física solar no prestixioso Instituto de Astrofísica de Canarias (IAC).
