Esta fin de semana Noia volverá converterse na capital galega das motos. En concreto, do 7 ao 9 de agosto celebrarase a XVII Concentración Moteira Ría de Noia.
Durante tres días as rúas encheranse de motos, concertos, rutas, exhibicións, gastronomía e bo ambiente. A quedada foi concibida para a cidadanía en xeral, non só para o colectivo de moteiros, e inclúe acrobacias, concertos en directo, rutas turísticas moteiras (tres percorridos turísticos organizados pola comarca con petiscos incluídos en concellos veciños), unha batucada e mesmo fogos artificiais. Tamén haberá actividades gastronómicas, xogos e sorteos de agasallos. Ademais, o programa inclúe para a medianoite do sábado 8 de agosto un desfile de motos con fachos en homenaxe aos moteiros falecidos (polas rúas do centro histórico de Noia).
Organiza a Asociación Moto Turística Ría de Noia en colaboración co Concello.
