A iniciativa permitirá á veciñanza gozar de xeito colectivo do decisivo encontro entre España e Bélxica este venres, unha medida que se repetirá se o conxunto nacional segue avanzando no torneo.
O Concello de Ribeira sumaranse á febre do Mundial facilitando un espazo de encontro para todos os afeccionados ao fútbol. O Goberno local anunciou que colocará unha pantalla de grandes dimensións na praza do Concello para a retransmisión en directo do partido de cuartos de final, que enfrontará ás seleccións de España e Bélxica o vindeiro venres, 10 de xullo, ás 21:00 horas.
Con esta medida, a Administración local busca que os veciños e veciñas poidan vibrar xuntos co evento e apoiar colectivamente ao equipo nacional, poñendo en valor a gran traxectoria e o mérito do conxunto por chegar a esta avanzada fase do campionato internacional.
Continuará o apoio se hai pase a semifinais
Desde o Concello sinalaron que esta non será unha acción illada se os resultados acompañan. Ante a expectación xerada, as autoridades municipais confirmaron que, no caso de que España logre superar a eliminatoria contra os belgas, a iniciativa repetirase para emitir tamén os partidos de semifinais e a ansiada gran final.
