Este 25 de xullo o Campo da Feira de Noia vai ser unha festa, coincidindo coas celebracións do Día de Galicia (o Día do Apóstolo).
O Festival Rúas Vivas chega para converter o Campo da Feira nun gran punto de encontro para todas as idades, cunha xornada chea de música, actividades e ambiente.
Pola mañá, os máis pequenos poderán desfrutar de Rúas Vivas Peques, con xogos tradicionais e teatro infantil.
Ao mediodía, chega a Romaría Rúas Vivas, con polbeira e foodstrucks ao ritmo de Troula na Barquiña. Haberá distintos postos de artesanía.
A partir das 18:30 h, será a quenda do festival de bandas propiamente dito con Rhome, Lisdexia, Kármax, Zorzavella, DJ Clo e unha sesión de peche a cargo de DJ Casanova.
O Concello de Noia agradeceu a colaboración das asociacións e entidades que fan posíbel esta xornada: Noia Histórica, Club Noia Patín, Sociedade Liceo de Noia, Asociación Pro-saúde Mental A Creba, Noia Limpa e ALQUINOIA.
