O alcalde de Rianxo, Julián Bustelo, e a concelleira de Xuventude, Ana Vidal, visitaron esta semana aos nenos e nenas participantes no programa Concilia Verán 2026: unha completa axenda de actividades para favorecer no concello a harmonía entre o tempo de lecer da rapazada e a actividade laboral das nais e dos pais.
O servizo, destinado á rapazada de entre 3 e 12 anos, desenvólvese no IES Félix Muriel, no CEIP Ana María Diéguez e no CEP Brea Segade dende o 22 de xuño ao 4 de setembro. Ademais, conta con Plan Madruga.
Máis de 250 nenos e nenas participan neste servizo de conciliación para as familias traballadoras do noso municipio.
O programa Concilia Verán 2026 do Concello de Rianxo inclúe dous servizos principais dirixidos a nenos e nenas nados entre 2014 e 2022 (de 3 a 12 anos): o Campamento de Verán (con actividades socioeducativas, deportivas e de tempo libre) e o Plan Madruga.
A axenda inclúe xogos, deportes e cooperación; obradoiros creativos, actividades de educación en valores e ecoloxía e saídas ao exterior.
