O Concello de Dodro informou da apertura do prazo de inscrición das diferentes actividades incluídas no Programa de Promoción da Igualdade e Prevención da Violencia de Xénero para Mulleres 2026, unha iniciativa gratuíta pensada para promover o benestar, a saúde, a autonomía e a igualdade das mulleres do concello.
Este ano as persoas interesadas poderán participar nos seguintes módulos:
-Ioga + estereotipos de xénero.
-Pilates + perspectiva de xénero
-Recuperación do chan pelviano, hipopresivos e autocoidado feminino + estereotipos de xénero.
-Repostería + perspectiva de xénero.
-Atención psicolóxica + prevención da violencia de xénero.
As inscricións estarán abertas a partir do 24 de xullo no Rexistro Xeral do Concello de Dodro, en horario de 09:00 a 14:00 horas, ou por calquera dos medios previstos na Lei 39/2015 do Procedemento Administrativo Común das Administracións Públicas.
As actividades están dirixidas a mulleres, con preferencia para as empadroadas no Concello de Dodro. As prazas son limitadas e cubriranse por orde de inscrición. Trátase dun programa financiado ao abeiro da subvención SI435A para as entidades locais da Comunidade Autónoma de Galicia para a promoción da igualdade, convocada pola Consellería de Política Social e Igualdade da Xunta de Galicia e cofinanciada pola Unión Europea no marco do Programa FSE+ Galicia 2021-2027
