Este martes 28 de xullo comeza en Rianxo unha nova edición do festival Noites de Jazz de Rianxo.
Durante catro xornadas a praza Rafael dieste acollerá novamente un dos festivais deste xénero musical máis importantes do país. O festival está organizado principalmente pola Área de Cultura do Concello de Rianxo, en colaboración directa coa Escola de Música de Rianxo (EMR) e co Taller Alecrín.
Podemos consultar o programa do festival a través da web do certame.
Todos os grandes concertos nocturnos comezan ás 22:00 horas con acceso de balde.
Martes 28 de xullo: Big Band da Escola de Música de Rianxo (EMR), dirixida por Alfredo Susavila.
Mércores 29 de xullo: José Nine Cuarteto, liderado polo compositor local José Nine Ces.
Xoves 30 de xullo: Quarteto TbA, formación con novos talentos de Galicia e Portugal.
Venres 31 de xullo: Los Hot Chocolates, cun repertorio centrado no son tradicional de Nova Orleans
A xeito de actividades complementarias o programa tamén inclúe o seguinte:
Jam Session: Venres 31 de xullo ás 13:00 horas na Praza de Padrón co Quarteto TbA.
Baile Swing: Curso monográfico de lindy hop e balboa do 26 ao 30 de xullo, cun baile popular de clausura o venres na praza Rafael Dieste.
