A presidenta de Portos de Galicia, Natalia Botana, visitou est sábado 11 de xullo o porto de Ribeira coa alcaldesa do municipio, María Sampedro, e o patrón maior da localidade, José Antonio Pérez Sieira, para afondar nas prioridades de actuación do ente público no municipio ribeirense.
Esta visita enmárcase na rolda de primeiros encontros institucionais de Botana logo do seu nomeamento, e na que está a tomar contacto directo cos representantes municipais, o sector profesional e náutico recreativo, así como cos operadores portuarios dos principais portos de titularidade autonómica.
Durante a súa visita, a presidenta de Portos comprobou a delimitación de prazas de aparcadoiro para o sector profesional establecida recentemente polo ente público e revisou as demandas municipais e sectoriais en materia de mantemento e seguridade das instalacións.
