A praia coñecida como Cabío acolleu este venres 10 de xullo unha actividade ambiental organizada polo Concello da Pobra do Caramiñal dentro da programación vinculada á Bandeira Azul deste areal.
Desenvolvida pola asociación de educación ambiental Amabul, a Xincana Protéxeme estivo dirixida á rapazada que se atopaba na praia. As persoas participantes aprenderon sobre distintos elementos que se poden atopar no areal.
Esta iniciativa enmárcase no programa de actividades da Bandeira Azul co obxectivo de fomentar a educación ambiental e sensibilizar sobre a xestión dos residuos sólidos urbanos e a súa incidencia nos ecosistemas mariños.
A organización correu a cargo das concellarías de Turismo e de Medio Ambiente do Concello da Pobra do Caramiñal.
