A Pobra do Caramiñal recibiu na mañá deste xoves 9 de xullo a visita dos integrantes da Parranda La Aldea, procedentes da Aldea de San Nicolás (Gran Canaria), formación participante no XIII Encontro de Música e Baile Tradicional.
A delegación foi recibida na Casa do Concello polo alcalde da Pobra do Caramiñal, José Carlos Vidal, nunha recepción institucional.
Posteriormente, os integrantes da formación realizaron unha visita guiada polo centro da vila da man do servizo municipal de Turismo.
A Parranda La Aldea participará este sábado, 11 de xullo, ás 21.00 horas, na XIII edición do Encontro de Música e Baile Tradicional, na Praza do Cantón da Leña, xunto coa BMT Suevia, de Porto do Son, e coa Asociación Cultural Xiada, grupo anfitrión.
