O 112 Galicia recibiu aviso desta colisión minutos antes das 8 horas, a través dun particular: dous coches colidiran no quilómetro 5 da PO-548, en Dimo (Catoira), e un deles acabou saíndose da vía. Unha das persoas implicadas permanecía atrapada.
No operativo participaron Urxencias Sanitarias de Galicia-061, a Garda Civil de Tráfico, o GES de Padrón, as Agrupacións de Voluntarios de Protección Civil de Catoira e Valga e os servizos de mantemento da estrada. Ademais, alertouse aos Bombeiros do Salnés, que non chegaron a intervir.
Os efectivos do GES encargáronse das tarefas de liberación da persoa atrapada, que foi atendida polos servizos sanitarios.
