Esta fin de semana celébrase en Buía (Araño, Rianxo) a festa na honra do San Xoán da Hermida. As actividades concentraranse o sábado 20 de xuño e inclúen propostas relixiosas, culturais e lúdicas, sen esquecer á rapazada.
A programación comezará ás 9.00 horas coas bombas de palenque e unha ruada a cargo de O Son do Pote e Os Pequenos do Barbansa. Ás 13.00 horas comezará a misa seguida dunha procesión, na honra de San Xoán, na Capela da Ermida. Ás 14.00 haberá unha sesión vermú na Ermida con Dieguiño e pola tarde ás 18.00 horas O Souto (Escola Buía) acubillará inchábeis e unha festa da escuma para a rapazada. Polo serán, ás 20.30 horas, haberá música no Souto con Pulpiño Viascón. Pola noite (a partir das 23h) comezará a verbena con Ritmo Joven e de madrugada (a partir das 2.00 horas) coa discoteca móbil Model Music.
