Este 23 de xuño vaise celebrar a Festa do San Xoán de Caamaño 2026, unha cita ideal, en palabras dos organizadores, “para celebrar a noite meiga”. A cita dará comezo ás 21.30 horas e será unha festa a medio camiño entre o gastronómico, o musical e, por suposto, o máxico. Inclúe unha gran churrascada nocturna na explanada da Casa da Cultura amenizada por Discomobil e Chocolate (as racións de churrasco achegaranse a prezos populares). A festa continuará á medianoite coa cacharela no Campo de Fútbol e con música para celebrar a noite meiga con (novamente) Discomobil e Chocolate.
Organiza a veciñanza da Comisión de Festas de Caamaño coa colaboración do Concello de Porto do Son e Biona.
