A nova edición do Festival Audiovisual Escolar Olloboi vaise celebrar este 22 de maio ás 18.30 horas na Abadía de San Enrique. en Boiro. Segundo confirmou a organización, a nova convocatoria vén cargada de “cinema, amizades e historias compartidas”.
A axenda inclúe entre outras cousas unha sesión especial de cinema OlloBoiro, coas pezas realizadas polos centros de primaria do Concello e as creacións da Muchachada Matiné. E pola tarde celebrarase a gala da edición 2026, con Sabela Hermida e Mario Brión como anfitrioas desta festa do audiovisual acompañades no escenario pola Escola de Música de Boiro.
Cóntase co apoio do Concello de Boiro e da Deputación da Coruña, co patrocinio de JEALSA, JJ Chicolino, Deleite e Eroski e a rede de asociacións, negocios locais e amizades que seguen facendo medrar este encontro ano tras ano: Urdime, Unión de Muchachas, Abadía de San Enrique, Mascolor, Autos Ramón Outeiral, Clic Publicidade, Quality Impresión, 7 Melicias e Viso.
Dende a organización queren facer unha mención moi especial para Thais Forján, creadora do universo visual desta edición.
Olloboi é un proxecto sen ánimo de lucro desenvolvido desde 2010 pola asociación cultural do mesmo nome, con sede en Boiro.
O Festival Audiovisual Escolar Olloboi, dirixido a alumnado e profesorado dous centros escolares desde primaria a ensino superior, transcorre nunha plataforma web os cinco primeiros meses do ano e culmina en maio con diversos actos presenciais: proxeccións, cinema de guerrilla, unha entrega de premios e un encontro de novas/os creadores e creadoras, profesorado e profesionais do audiovisual. Trátase dun proxecto independente e sen ánimo de lucro que se nutre do traballo e a ilusión dúas membros dá organización (capitanía).
