O Concello de Noia está a recuperar estes días o entorno do lavadoiro da Pedrachán, unha intervención que en palabras do Goberno local “busca devolver á veciñanza un espazo tradicional e emblemático para o desfrute de todas e todos”.
Durante os primeiros da intervención días realizouse a limpeza da maleza e do entorno do lavadoiro, permitindo recuperar o curso da auga logo de moito tempo.
Os traballos continuarán nas vindeiras semanas cunha actuación máis ampla que incluirá intervencións concretas como o arranxo da cuberta, pintado da estrutura e reacondicionamento dos ferros oxidados.
Do mesmo xeito que xa aconteceu coa intervención no Campo da Feira, esta actuación “busca recuperar e poñer en valor espazos públicos que poidan manterse coidados e útiles durante todo o ano”, engadiu o Concello.
