O alumnado do PIE de Boiro, Rianxo e A Pobra formase en pastelería, cociña e manexo de carretillas elevadoras

12 Maio 2026

O alumnado do Programa Integrado de Emprego 2025/2026 que o Concello de Boiro leva a cabo coa colaboración dos concellos de Rianxo e A Pobra, finaliza accións formativas en pastelería, cociña e manexo de carretillas elevadoras.

No curso de Pastelería e postres para restauración un total de 14 participantes recibiron formación en técnicas culinarias e aplicación dos fundamentos básicos en pastelería. Durante as 20 horas formativas adquiriron coñecementos na utilización e tratamento de diversos produtos para a realización de distintas elaboracións de pastelería e repostería.

Un total de 14 alumnos e alumnas participaron tamén no curso de Aplicación de fundamentos básicos en cociña, no que recibiron técnicas culinarias e aplicación dos fundamentos básicos de produtos alimentarios. Durante as 60 horas formativas adquiriron coñecementos na utilización e tratamento de diversos alimentos para a realización de distintas elaboracións gastronómicas, empratado e presentación de menús.

Outra das formacións levadas a cabo foi a de condución de carretillas elevadoras, onde 18 participantes recibiron formación en condución e manexo de carretilla elevadora e condicións de seguridade. Durante 20 horas formativas adquiriron coñecementos en control de cargas e desprazamentos das mesmas, operacións de mecánica básica, simboloxía, paletización e almacenaxe, seguridade e prevención de riscos.

O Programa Integrado de Emprego do Concello de Boiro 2025/2026 realizase coa colaboración dos Concellos de Rianxo e A Pobra e está subvencionado pola Consellería de Emprego, Comercio e Emigración da Xunta de Galicia e o Servizo Público de Emprego Estatal.

Outros artigos

Volve co Samaín o Claustro do Terror no Concello de Noia

Tras o éxito do ano pasado, regresa o II Claustro do Terror, que volverá converterse nun dos grandes protagonistas do Samaín de Noia. Novamente as persoas participantes terán que resolver un crime no Consistorio, e a resolución virá acompañada dun ambiente axeitado...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.