O Concello de Boiro promove a presentación do novo libro de Manuel Losada La sombra de Carmen, que está prevista para este venres 29 de maio. A concelleira de Cultura, María Outeiral, acompañou ao autor no anuncio da presentación.
O acto de presentación da novela, que está inspirada en Boiro e en veciños e veciñas do municipio, celebrarase este venres 29 de maio ás 20.00 horas no Pazo de Goiáns.
La sombra de Carmen é a segunda parte da novela El banco de Carmen.
O autor adiantou que “se trata da segunda entrega do thriller que vai responder ás intrigas dos lectores”. A concelleira, María Outeiral, convidou á veciñanza a asistir á presentación deste libro “que está ambientado en Boiro e conta con personaxes baseados en persoas do municipio”.
Manuel Losada é un escritor afincado en Boiro e actual referente da literatura galega e de terror en lingua castelá.
La sombra de Carmen desenvolve a súa trama no municipio de Boiro, incorporando escenarios recoñecíbeis e personaxes vinculados á contorna, o que reforza a conexión entre a obra e a realidade local.
Recentemente tamén lanzou El eco de las aguas muertas traslada ao lector ao Incio (Lugo), onde un inquietante misterio desenvólvese ao redor dun balneario cargado de simbolismo.
Ambas as novelas enmárcanse dentro do xénero de misterio e suspense, selo característico do autor, e consolidan o seu estilo narrativo baseado na atmosfera, a tensión emocional e a conexión co territorio.
