Esta semana comezan en Rianxo as obras da segunda fase do proxecto que permitirá renovar a totalidade das luminarias do paseo marítimo.
Segundo informou o Concello, nesta segunda fase, que conta cun investimento de uns 40.000 euros, cambiarase o tramo comprendido entre A Carballeira e a praia do Pazo. As luminarias actuais cambiaranse por outras de maior eficiencia enerxética que empregarán tecnoloxía LED.
Nos vindeiros días licitarase a terceira e última fase do proxecto, explicaron dende o Goberno local, engadindo que “para o vindeiro inverno teremos a iluminación do paseo compretamente renovada”. Tamén apuntaron que “xa aprobamos dous proxectos para comezar o antes posíbel co cambio de firme de toda a zona que na actualidade está empedrada” e que “estes dous proxectos suman un investimento total de 457.024,26 euros”.
Como lembraremos, na primeira fase renovouse o tramo comprendido entre Setefogas e A Carballeira instalando luminarias de maior eficiencia enerxética.
