O Concello de Boiro está a levar a cabo cursos de formación en RCP (Reanimación Cardio-Pulmonar) e manexo dos desfibriladores para persoal municipal que desenvolve a súa actividade laboral en centros equipados cun DESA (Desfibrilador Externo Semiautomático). O alcalde José Ramón Romero, e o concelleiro, Roberto Lojo, estiveron cos participantes.
Trátase de cursos de reciclaxe para o persoal que xa contaba con esta formación; así como cursos de formación para novos traballadores e seguir así ampliando o persoal que conta con estas competencias.
Son cursos teórico-prácticos impartidos por persoal cualificado e que certifica aos participantes de que contan con esta formación específica.
O Concello de Boiro conta cun total de 16 desfibriladores en distintas instalacións municipais como son a Casa Consistorial, instalacións deportivas e centros sociais.
Segundo explicaron fontes do Goberno local, “todos os aparellos propiedade do Concello de Boiro están dados de alta no 061 e dotados con todo o material necesario para facer unha reanimación en caso dunha parada cardiorrespiratoria tanto en persoas adultas como en nenos e nenas”.
