Proseguen as concentracións da veciñanza de Ribeira e do Barbanza nos centros de saúde da contorna, mobilizacións que reclaman apoios para unha sanidade pública de calidade e que se cubran todas as prazas vacantes nos ambulatorios. Este martes 21 de abril houbo unha nova concentración diante do Hospital de Barbanza para esixir a redución das listas de agarda e que “haxa médicas e médicos suficientes para evitar demoras excesivas”.
Participaron integrantes da Plataforma pola Sanidade Pública do Barbanza e de agrupacións como o BNG, que estivo novamente apoiando as reclamacións declarando que seguirán traballando nas institucións e na rúa para “lograr avances que permitan ter unha sanidade pública forte”. Tamén estiveron presentes representantes do PSdG na comarca do Barbanza, concretamente a segunda tentente de alcalde da Pobra, Patricia Lojo, acompañando ao alcalde José Carlos Vidal (Nós Pobra).
Amais, na recollida de apoios (sinaturas) da campaña estivo presente o ex alcalde de Ribeira, Luís Perez Barral (BNG), entre outras/os, que lembrou que este mércores prosegue durante a mañá a recollida de sinaturas pola sanidade pública.
