Muros acolle o próximo domingo, 26 de abril, un novo obradoiro de iniciación á pesca submarina en Esteiro, organizado pola Federación Galega de Submarinismo, coa colaboración do Concello de Muros. “Tras o éxito das edicións anteriores, chega de novo este taller da man de Soraya Hermida, tricampioa galega e campioa de España de pesca submarina, e Belén Díaz, campioa da Copa Galicia 2024”, explica o concelleiro de Deportes, Damián Torea. Será unha actividade con formación teórica e práctica para persoas maiores de 16 anos. De 10:00 a 13:00 horas.
Quen desexe máis información e formalizar as inscricións pode facelo a través do móbil 650 543 519.
